Description
فهاد الحلقة الجديدة من هي مغربية، غادي ندخلو فموضوع مهم كيهم المجتمع المغربي كامل، وهو مراجعة مدونة الأسرة اللي دازت عليها 20 سنة من إصدارها. المدونة
كانت البداية لتحسين وضعية المرأة والأسرة فالمغرب، ولكن مع مرور الوقت والتطورات الاجتماعية والاقتصادية، ولى ضروري تحديثها باش تواكب التحديات اللي كنواجهوها دابا.
من خلال هاد المراجعة، غادي نناقشو التعديلات المقترحة فمواضيع حساسة بحال النيابة القانونية المشتركة، تزويج القاصرات، الإرث، تعدد الزوجات،
. واش هاد التعديلات غادي تساعد فعلاً فتحسين وضعية الطفل و المرأة فالمجتمع المغربي؟ واش هي تغييرات جذرية ولا غير تعديلات سطحية؟
فهاد الحلقة، غادي نكونو مع أسامة عروب : مزاول مهام طبيب داخلي بمستشفى محمد الخامس و الأمين العام لمبادرة طارق بن زياد "تيزي"
ياسمين زاكي : رئيسة الجمعية الديمقراطية نساء المغرب - مكتب الدار البيضاء
مريم هواد : منسقة وطنية نساء شابات من أجل الديمقراطية. غادي نحاولو من خلال النقاش نفهمو مختلف الآراء حول هاد التعديلات، ونتناقشو فالتوازن بين الدين والحقوق الحديثة فالسياق ديال قوانين الأسرة.
محاور النقاش:
الفصل الأول: إصلاحات فالنسب والكفالة: كيفاش نلقاو حلول توازن بين حقوق الطفل والأطر الدينية؟
الفصل الثاني: النيابة القانونية المشتركة: خطوة جديدة نحو المساواة بين الوالدين فالرعاية ديال الأبناء، ولكن شنو هي التحديات اللي ممكن تواجهها؟
الفصل الثالث: زواج القاصرات: واش رفع سن الزواج لـ 18 سنة غادي يحمي الفتيات؟ واش الاستثناءات الحالية خاصها تتلغى؟
الفصل الرابع: الإرث والتعصيب: واش التعديلات المقترحة غادي تساهم فضمان عدالة أكبر بين الرجل والمرأة فتقسيم الإرث؟
الفصل الخامس: تعزيز حقوق المرأة المطلقة: التعديلات اللي كتدعم حقوق المرأة فالحضانة، السكن، والاعتراف بالشغل المنزلي كإسهام فالثروة الأسرية.
#أسرة
#مدونة
#المغرب
Abonnez-vous à notre chaîne sur YouTube : https://bit.ly/2UDicWw
En DIRECT - Suivez L'ODJ TV ici : https://bit.ly/3mrgSBE
Notre Web Radio en streaming : https://www.lodj.ma/webradio
Notre site Live TV 24H/7J: https://www.lodj.ma/tv
Rejoignez nous sur Facebook : / lodjmaroc
Suivez nous sur Twitter : / lodjma
L'ODJ Média : https://www.lodj.ma/
Groupe de presse Arrissala Maroc : https://www.arrissala.ma
Hébergé par Ausha. Visitez ausha.co/politique-de-confidentialite pour plus d'informations.
