المشردين او سكان الشارع كاينتشروا بشكل كبير في عدد من المدن المغربية وكيتعرضو للاستغلال والاغتصاب في بعض الاحيان. هذا اللي خلى عدد من جمعيات المجتمع المدني تطالب بالعمل على الحد من هذه الظاهرة التي هي ظاهرة "التشرد".

 

فالشوارع، فالازقة، تحت السيارات وفالبيوت المهجورة كيعيشوا فحالة مزرية. كتختلف ظروفهم وقصصهم لكنهم كيتقاسموا نفس المعاناة. منهم اللي كيمتهن التسول والبعض الاخر كيقبل باي حاجه تعطيها له أو يحصل عليها بشكل من الاشكال خصوصا من حاويات الأزبال. وطبعا الشارع اللي كايسود فيه قانون الغاب كايتحولوا هؤلاء المشردين الى فرائس سهلة المنال وكاين اللي كيتعرض الاغتصاب او الاختطاف وكاين اللي كيتستغل من طرف عصابات إما فالتسول او فالاجرام اولا كيلتحقوا بقوارب الهجرة السرية.

 مكيناش احصائيات دقيقة ولكن هناك تقارير كتقول بانه غير نسبة الاطفال كاين أكثر من 400 الف طفل مشرد، لهذا جمعيات المجتمع المدني في المغرب اكدوا شحال من مرة على المخاطر ديال هذه الظاهرة ولي خاص يتلقى لها حل كيراعي جميع الجوانب الاجتماعية والاقتصادية والثقافية ولهذا قامت الدولة باطلاق مبادرات كتعنى بهاذ الفئه المهمشه وذلك بخلق مجموعه من مراكز  ودور الرعاية لهذا الفئة.

 الخطير في الامر هو ان هاد الظاهرة مبقاتش مقتصره على الذكور وانما ولينا كانلقاو في الشارع نساء وفتيات وهذا ما يعني ان الظاهره غادي تستمر وغادي يتولدوا اطفال اخرين في الشارع.....

Hébergé par Ausha. Visitez ausha.co/politique-de-confidentialite pour plus d'informations.