Description

Jodla nou ké palé di sa ki rivé Laurent. Laurent sa oun jennjan 26 lannen ki, pou so malò fè oun aksidan moto ki té grav. Aprè sa aksidan-an so léta té mové tèlman, yé mété li an koma. Jou, simenn  ka pasé, mé awa anyen pa ka chanjé. Laurent sa sèl pitit so manman, é a li ki pou érité  byen so manman ké so papa lésé bay li. Pou protéjé so entérè ké so éritaj oun moun annan so fanmi doumandé oun sovgard lajistis. Sa dispozitif-a ka pèrmèt laurent gadé so drwa pannan tout tan li annan sa sitiyasyon-an. Oun jij kontansyé pou protèksyon ké nonmen oun mandatèr ki fè tout démarchya koté notèr-a pou laurent.

A kisa ki sovgard lajistis,

Oun sovgard lajistis, sa oun protèksyon jiridik ki kourt.

Lò oun moun gen oun sovgard lajistis, sa lé di ki i oun moun pouvé réprézanté li fè sèrten démarch. Mé sa pa ka lé pli lwen ki dé lannen.

Sa ka évité di gen oun titèl obyen oun kiratèl. Moun-an pouvé fè tout so zafè, sof siyanka li ka divòrsé obyen ròt ka èspésyal pou kilakèl jij-a dézignen oun mandatèr.

Hébergé par Ausha. Visitez ausha.co/politique-de-confidentialite pour plus d'informations.