مرحبا بيكوم مستمعي إذاعة L’ODJ RADIO  ففقرة  care week، الفقرة لمن خلالها كنرافقكوم أنا عائشة بوسكين فمجموعة من المواضيع ليكتهم الصحة الجسدية أو النفسية ديالكوم.

هو مرض اللي كيعانيو منو بزاف د الناس في إفريقيا، 25 ألف هو عدد المغاربة المصابين بيه، وبسبب تكاليفو المادية المرتفعة أغلبية المصابين للأسف كيموتو قبل تلقي العلاج.

فقر الدم المنجلي أو ما يعرف ب Sickle cell anemia، هو مرض كينتج فيه الجسم خلايا  دم حمراء غير طبيعية الشكل مثل الهلال أو المنجل،  الشيء اللي كيمنع تدفق الدم إلى المفاصل والصدر والمعدة، مما يؤدي إلى ألم مبرح وتضخم في اليدين والقدمين وتأخر النمو ومشكلات في الرؤية، وفغالب الأحيان إذا ماتمش التشخيص المبكر كيؤدي للوفاة.

هاد المرض غير معدي لكنه وراثي، والعلاج ديالو مكلف جدا بحيث أنه كيستدعي عملية زرع الخلايا الجذعية أو نخاع العظم، وهي عملية صعبة جدا وكتستلزم متبرع تتطابق الخلايا الجذعية ديالو مع خلايا المريض.

لكن حسب دراسة قامت بيها Aberystwyth University البريطانية، فقد كشفت عن وجود نبتة معروفة فغرب إفريقيا تعد بمثابة علاج للمرض، هاد النبتة هي نبتة Alchornea cordifolia، والمعروفة أيضاً باسم "شجيرة عيد الميلاد"،  تحتوي على مكون الكيرسيترن، والذي يمكن أن يساعد في تخفيف أعراض هاد المرض المؤلم والمهدد للحياة خاصة في جنوب إفريقيا بسبب ارتفاع مستوى الفقر.

f la santé mentale مستمعينا غنسلطو الضوء على واحد الرهاب أولا فوبيا اللي فرضاتها وسائل التواصل الاجتماعي اليوم بكثرة، أتحدث فهاد الحالة على رهاب فقدان الهاتف المحمول أو ما يعرف بالنوموفوبيا NO MOBILE PHONE PHOBIA، ظهر هاد المصطلح لأول مرة في بريطانيا سنة 2008 من خلال دراسة على عينة تضم أكثر من 2000 شخص، أكدوا شعورهم بالقلق والتوتر في حالة تلف ليهوم الهاتف ديالهوم، أولا سالا ليهوم la charge، أولا تسالات ليهوم la connexion

الأعراض ليكتصاحب هاد الفوبيا، كاين الشعور بضيق فالصدر، مواجهة صعوبة فالتنفس، الارتجاف والرعشة، فرط في التعرق، الشعور بالدوار وارتفاع دقات القلب، و غالبا هاد الأعراض كتجي للأشخاص لعندهوم إدمان كبير على الهاتفبالنسبة للعلاج، فيمكن الاستفادة من العلاج السلوكي المعرفي CBT واللي تبث الفعالية ديالو فتغيير الأفكار السلبية وغير المنطقية التي كتدور في عقل الإنسان وقتما فكر أنه ما عندوش هاتف، أولا من خلال بعض الأدوية لكتقلل من التوتر و الهلع فحال les bêta bloquants 

Hébergé par Ausha. Visitez ausha.co/politique-de-confidentialite pour plus d'informations.