مرحبا بيكوم مستمعي إذاعة L'ODJ RADIO فقرة Hacks Week ، الفقرة لكنرافقكوم من خلالها أنا عائشة بوسكين فمجموعة من les astuces ليقدرو يسهلو حياتكوم اليومية.

بما أننا مستمعينا في فصل الصيف، الأكثرية منا كيشد عطلة أو كيسافر، لكن الشيء اللي منقدروش نستحملوه أو حنا مسافرين فسيارة، خاصة في ظل ارتفاع درجات الحرارة هي أنه يكون مكيف الهواء خاسر.

إليكم مستمعينا مجموعة من les astuces اللي يقدرو يساعدوكوم في رفع كفاءة climatiseur ديالكوم:

أول خطوة، دائما حاول التخلص من الهواء الساخن اللي كاين في السيارة ديالك، عبر فتح النوافذ ، هاد الخطوة غادي تساعد في تخفيض درجة الحرارة داخل السيارة، مما سيساعد المكيف على التبريد بسرعة أكبر.

ثاني خطوة هي تنظيف مكثف التبريد، ففي غالب الأحيان كيكون مسدود بالأوساخ والتسربات، الشيء اللي كيعرقل عملية التبريد، لذلك دائما انتبهوا لنظافة المكثف

ثالثا، شغل وضعية تدوير الهواء الداخلي، بمجرد ما تبدا تحس بالهواء البارد، والسبب أن وضعية تدوير الهواء كتخلي climatiseur ما يسحبش الهواء الداخلي، وبالتالي كيكون التبريد أكثر.

وأخيرا مستمعينا، دائما خاصكوم تخضعو مكيفات الهواء ديالكوم للصيانة الدورية، كما أنه من المفضل تحطو السيارات ديالكوم فبلاصة فيها الظل باش هاكدا تجنبو ارتفاع درجات الحرارة ديالها.

الفريزر أولا المجمد في وقتنا الحالي ولا شي مهم بزاف للتخطيط المسبق ولإعداد وجبات بكميات كثيرة والاحتفاظ بيها للأيام ليماكيكونش عدنا الوقت باش نطيبو، اه هادشي مزيان من حيث اختصار الوقت أو الجهد، لكن كاين بعض الأطعمة اللي ما خصكومش تحطوهوم فالفريكو:

 أولا الحليب أ واللبن، لأنه عند ووضعه في الفريزر ينفصل إلى قطع وأجزاء مائية عنذ إذابته، ويصبح غير صالح للاستعمال بسبب المياه اللي تفصلات على الذهون

 ثانيا ، الاطعمة المقلية، فهي تفقد كل قرمشتها عند وضعها في الفريزر

ثالثا، البيض لأن  محتوى الماء داخل البيضة عند التجميد سيتسع، مما سيتسبب في تكسير القشرة الخارجية وتعرضها للبكتيريا. 

أخيرا جميع الخضراوات والفواكه التي تحتوي على كمية مهمة من الماء ، تقدر تجمد بشكل عادي لكن عند إخراجها من الثلاجة يصبح قوامها مميه الشيء اللي كيخليها تفقد الطراوة ديالها.

  بهذا مستمعينا كنكونو وصلنا لنهاية فقرة Hacks Week، نضرب ليكوم موعد la semaine prochaine  أو مع des astuces جداد، هادشي كامل على أثير إذاعتكوم الرقمية L'ODJ RADIO

Hébergé par Ausha. Visitez ausha.co/politique-de-confidentialite pour plus d'informations.