مرحبا بيكوم مستمعي إذاعة L'ODJ RADIO فقرة hacks week، الفقرة لكنرافقكوم من خلالها أنا عائشة بوسكين فمجموعة من les astuces ليقدرو يسهلو حياتكوم اليومية.

كثيرا ماكاتواجهكوم مستمعينا مجموعة من المشاكل مين كاتبغيو تغسلو حوايجكوم فla  machine à laver، فحال انكماش سترتك الصوفية المفضلة أو تجعد الملابس بشكل كبير اللي كيخلي المنظر ديالها خايب أو متقدرش تصلحها بالمصلوح، لهاد الأسباب Hacks Week ديال ليوما جابتليكوم مجموعة من الحيل اللي ممكن تساعدكوم فالتخلص من مشاكل الغسيل بسهولة.

ففي حالة أنكوم مستمعينا نسيتو ما خرجتوش الملابس ديالكوم من آلة التصبين أو تكمشو ليكوم الحوايج بزاف، فما عاليكوم إلا أنكم تحطوها في المجفف، وتزيدو مكعبات من الثلج ورسيوها على درجة حرارة عالية لمدة 10 دقائق،  البخار الناتج عن ذوبان الجليد مستمعينا غيعمل على إرخاء الألياف وبالتالي غيساعد على تلاشي التجاعيد.

أما في حالة الملابس اللي كيصغر الحجم ديالها أو كتقفز بسبب الحرارة، مكون سهل أو متواجد فأغلب البيوت يقدر يخلصكوم من هاد المشكل، هاد المكون هو بلسم الشعر أولا Hair Conditioner، غادي تخلطو محلول من الماء البارد مع كمية وفيرة من بلسم الشعر، من بعد غتنقعوها لمدة 30  دقيقة على الأقل في هذا المحلول.

بلسم الشعر غيساعد على إرخاء ألياف الصوف، وبالتالي ستتم إعادة السترة إلى شكلها الأصلي.

وبعيدا مستمعينا عن استعمالات زيت الزيتون في الطبخ والطهي، توجد استعمالات أخرى لهاد المكون تقدر تساعدكوم على الحفاظ على شفرات الحلاقة الغالية لمدة أطول، وكذلك تهنيكوم من المواد الصعبة اللاصقة في الشعر والجلد.

فيما يتعلق بشفرات الحلاقة الغالية جدا فهي الأخرى قد تصدأ بفعل تسرب الماء إليها، الشيء اللي غيخليك ترميها فمدة قليلة أو تشري وحدة جديدة، بهاد الطريقة تقدر تحافظ عليها لمدة أطول، ما عليك إلا أنك تاخد قطعة من القطن أو تبللها فزيت الزيتون أو تمسح الشفرات أو تنتظرها تنشف أو من بعد تكرر العملية عند كل استعمال.

أما إذا لصقات ليك شي حاجة فالشعر صعيب تحيد فحال الصباغة أولا المسكة، فما عليك إلا أنك تبلل خصلات الشعر بالكثير من زيت الزيتون، والعمل ببطء على إزالة المادة اللزجة باستخدام منديل جاف.

بهذا مستمعينا كنكونو وصلنا لنهاية hacks week نضرب ليكوم موعد la semaine prochaine أو مع des astuces jdad  هادشي كامل على أثير إذاعة L'ODJ RADIO.

Hébergé par Ausha. Visitez ausha.co/politique-de-confidentialite pour plus d'informations.