teck week

مرحبا بيكوم مستمعي إذاعة l'ODJ Radio ففقرة teck weekK، الفقرة اللي كنرافقكوم من خلالها أنا عائشة بوسكين   فإطلالة على اخر ما واقع f les nouvelles technologies, high tech et digital، باش هاكدا ترجع حياتكم اليومية أذكى أو أسهل.

وبداية مستمعينا مع شركة Amazon العالمية اللي علنات بمناسبة le conférence Re:Mars, dédiée à l'intelligence artificielle  عن إطلاق ميزة جديدة ف L'assistant vocal d'Amazon Alexa,واللي كتتمثل ف إمكانية التحدث بصوت شخص  ميت مابقاش على قيد الحياة، وذلك تخفيفا منها عن آلام الفقد،وقال فهاد السياق  Rohit Prasad, vice-président en charge de l'équipe scientifique du programme Alexa، إذا ماكانش الذكاء الصناعي يقدر يعوض عن فقدان المقربين، فهو بالتأكيد قادر يخلي ذكرياتاهوم حاضرة.

 النظام المحدث غيكون قادر على جمع voice data بشكل كافي من خلال مقطع لمدة دقيقة واحدة من صوت الشخص المتوفى حتى يمكن تفعيله على "أليكسا".

خروج هاد الخبر للعلن، خلف ردود أفعال متباينة، فهناك من وصفها بالرائعة، فحين أشخاص اعتبرو أنك تحاكي صوت شخص ميت هي  فكرة مرعبة للغاية.

وننتقل مستمعينا للحديث عن الميزة الجديدة التي أقرها instagram و المتعلقة بالرقابة الأبوية على المراهقين والأطفال، فبعدما كانت فالأول محصورة فقط فالولايات المتحدة الأمريكية، أصبحت الان معممة على مجموعة من الدول الأوروبية فانتظار تفعيلها مع نهاية هاد السنة فكل دول العالم، وبالتالي ما على الاباء إلا أنهم يصيفطو une demande les enfants ديالهوم، أو كتفعل ميزة المراقبة une fois يقبلوها من les comptes ديال ولادهوم.

وتمكن هاد الميزة الآباء من تحديد وقت استخدام L'apllication من 15 دقيقة حتى ل ساعتين كحد أقصى، كما بإمكانهوم يطلعو على جميع الرسائل و Les appels ديال الأبناء ديالهوم باش هاكا يحميوهوم من خطابات العنف والتنمر وكذلك الابتزاز الجنسي.

أو نختمو مستمعينا فقرة tech week  بشركة واتساب اللي علنات أنها ستتيح ل les utilisateurs ديالها إمكانية إخفاء la photo de profil  على الأشخاص اللي مابغاوهومش يشوفو تصويرتهوم، كما أنها زادت option أخرى متعلقة ب les appels de groupe، بحيث ولا بإمكانكوم ديرو muet لشي حد مابغيتوش تسمعو اش كيقول أو كذلك تهدرو des messages فوسط المكالمة.

 بهدا  كنكونو وصلنا لنهاية فقرة tech week ، للمزيد من المستجدات التكنولوجية والتقنيات الحديثة، تابعونا la semaine prochaine ، هادشي كامل على أثير إذاعة L’ODJ RADIO

 

Hébergé par Ausha. Visitez ausha.co/politique-de-confidentialite pour plus d'informations.