بداية مع الفنان المغربي عبد الحفيظ الدوزي، واللي اختار الأيام الأخيرة من سنة 2023 باش يصدر جديدو الفني، تحت عنوان "يا دنيا"، على قناتو الرسمية بمنصة "يوتيوب"وبالتالي افتتح الدوزي عام 2024 بجديدو العاطفي، اللي تكلم فيه بكلمات مؤثرة على الحب والخيانة والغدر، في قالب فني وبطابع حزين جدا كيتحسر بيه على المقربين اللي فقدهوموترويجا لأغنية "يا دنيا" ، بارطاجا الدوزي مع الفلوورز ديالو في حسابو الشخصي على أنستغرام، تيزر العمل الجديد وعلق عليه : " إليكم حصريا أغنية يادنيا "من الجدير بالذكر أن أغنية "يا دنيا" هي من كلمات أيوب خرباش، الألحان لسليم الدويشة، أما التوزيع والمكساج فيرجع ل "FAT-KEY"ونتاقلو للفنانة دنيا بطمة، ومع قضية حمزة مون بيبي، تعاطف مجموعة من الفنانين المغاربة مع دنيا ، عقب الأزمة اللي كتعيشها بسبب إعلان قرار محكمة النقض برفض الطعن في الحكم الصادر عليها مسبقاوفي هذا السياق، نشرت الفنانة الشعبية نجاة عتابو صورة دنيا فستوري أنستغرام قالت فيه : "حبيبتي وابنتي سنة سعيدة مليئة بالأفراح والطمأنينة، الله يدبر ليك الطريق فالضيق ويخليك لبناتك وجمهورك"الفنانة سعاد حسن هي الأخرى أعلنت عن تضامنها مع قضية بطمة، ونشرت صورة كتجمعهوم بجوج علقات عليها : "دندون حبيبتي، سنة سعيدة بصحة والسلامة وتفرحي ببنياتك ٠٠كوني قوية"أذكر أن دنيا بطمة تخلفت على حفل رأس السنة اللي كان من المرتقب أنها تحييه فأوطيل موفينبيك بملاباطا بطنجة، وكاين اللي رجع السبب لتخوفها من إلقاء القبض عليها ونختمو فقرة "نجوم ويك" ببسمة بوسيل طليقة الفنان المصري تامر حسنى، واللي وضحات حقيقة رجوعهوم لبعض ، وذلك بعدما نشر تامر حسنى صورة عائلية جمعته بطليقته وأبنائهما الثلاثة احتفالا بالعام الجديدوقالت بسمة فستوري على حسابها الرسمي بموقع إنستجرام: "صحيت النهاردة على أخبار غير صحيحة، إحنا مرجعناش لبعض، تامر نشر صورة عائلية لإسعاد أطفالنا، لأنه لا يستطيع قضاء رأس السنة معهم وذلك لا أكثر، أنا أسفة لسوء الفهم، وشكرا على رسائلكم" Hébergé par Ausha. Visitez ausha.co/fr/politique-de-confidentialite pour plus d'informations.

ربما ما كايناش شي امرأة اللي ما كتعشقش الحقائب الفاخرة، خاصة النجمات العالميات اللي كيحرصوا على شراء حقائب يد فاخرة وباهظة الثمن، إضافة أن اقتنائها يعد استثمارا ضخما، فهي قطع خالدة ويمكن بيعها بأضعاف سعرها الأصلي حتى بعد مرور سنوات، وكلما كانت الحقيبة أقدم أصبحت أعلى قيمة حقيبة هيرميس بيركين لجينيفر لوبيزكتكلف المغنية العالمية جينيفر لوبيز إطلالاتها آلاف الدولارات، فماشي من الغريب أننا نلقاوها هازا حقيبة هيرميس الشهيرةن اللي كتباع بسعر 400 ألف دولار لتأتى الأولى ضمن قائمة أغلى حقيبة في العالم جينيفر مشهورة أيضا بحملها لحقيبة كروكوديل ،فرغم بساطة الديزاين ديالها إلا أن الثمن ديالها كيوصل ل 100 ألف دولار، وهي واحدة من أندر الحقائب رواجا في هوليوودحقيبة إيربان ساتشيل لبيونسي تحب المغنية بيونسيه حقيبة يدها إيربان ساتشيل، وهى واحدة من أغلى القطع فى العالم وواحدة من أغلى 5 حقائب لويس فويتون التي يتم تصنيعها على الإطلاق ، بتكلفة تصل إلى 150 ألف دولار، وهي مصنوعة أساسا من عناصر القمامة اليومية التي يتم إعادة تدويرها حقيبة لانا ماركس لسارة جيسيكاخيارات سارة جيسيكا باركر فى الأزياء مميزة دائما، فهي رائدة في عالم الموضة وأي حاجة كتلبسها لا بد وأنها تتصدر عناوين الصحف ، بانت مؤخرا بحقيبة ماركة لانا ماركس بمبلغ 300 ألف دولار على السجادة الحمراء، وبالرغم من صغر حجمها إلا أنها باهظة الثمن بشكل كبيرحقيبة "معوض ألف ليلة وليلة" لبيلا حديدتخطف بيلا حديد الأنظار في أى مكان تظهر فيه، فلا عجب أن تكون حقائبها محط الأنظار عندما ارتدت حقيبة بقيمة 3.8 مليون دولار من ماركة "معوض ألف ليلة وليلة"المرصعة بأحجار من الذهب والألماس Hébergé par Ausha. Visitez ausha.co/fr/politique-de-confidentialite pour plus d'informations.

أكبر كابوس اللي كيواجه الأمهات اللي يلاه تزاد عندهوم بيبي، هو أنهوم ماكيبقاوش يستافدو من الكمية اللازمة من النعاس، وبالرغم من أن معظم الأمهات كيفضلو أنهوم يبقاو سهرانين على راحة الوليدات ديالهوم، إلا أن هادشي عندو أضرار صحية على صحة الأم خاصة إذا كانت مرضعةأجي تعرفي معايا على خمسة ديال النصائح اللي تقدري تعوضي بيها نعاسك باش هاكدا تحافظي على صحتك الجسدية والنفسية استخدام الضوضاء البيضاء white noiseالضوضاء البيضاء هي صوت كيتضمن جميع الترددات المسموعة للأذن البشرية، بين 20 هرتز و20 ألف هرتز، وكيكون هاد الصوت مشابه لطنين مكيف الهواء، أو مجفف الشعر، أو التلفزيون، أو الراديو المغلقالمميز في هذا الصوت هو أنه يمكن ليه يحجب أصوات أخرى أكثر قوة، الشيء اللي كيخليك تنعس مرتاح فالليل، هادشي علاش كينصح الأطباء بتشغيلو قبل ساعة من وقت النعاس بمستوى منخفض في مختلف زوايا الغرفة تهيئة غرفة نوم الطفل مسبقا أول خطوة للاستعداد القبلي للنوم، هي تعتيم الغرفة، بحيث يمكن أن تؤثر جميع الأضواء بما في ذلك ضوء النهار، والإضاءة المنزلية، وضوء الشاشات الإلكترونية، على الميلاتونين، وهو الهرمون المسؤول عن النوم اللي كتحتاجيه نتي والطفل ديالك باش تعنسو مرتاحين كما أن الغرفة شديدة الظلام تقدر تكون مزعجة للطفل ديالك ، خاصة إذا كان كيفيق فمنتصف الليل، لذلك يمكن ليك تستعملي مصابيح ليلية خافتة باش هاكدا تمنح لطفلك الشعور بالأماناستخدام دمية منومة sleep toy الدمية المنومة هي عبارة عن دمية على هيئة خروف، كيكون فيها مجموعة من المميزات اللي كتعاون الأطفال ينعسو ، مثل إصدار الأصوات بتردد منخفض 250 هرتز، الشيء اللي كيحفز النومالحفاظ على تهوية جيدة للغرفةمن أسهل الطرق لتحسين جودة الهواء في غرفة النوم ، السماح بدخول الهواء النقي لأنه كيزيد من مستويات الأوكسجين في الدم، مما يزيد من جودة النوم بشكل عام، لذلك كنلقاو الأشخاص اللي كيتمتعو بتجربة تنفس جيدة ،كيقدرو ينعسو بشكل أعمق وأسرع، وكيقل احتمال تعرضهم للاستيقاظ أثناء الليل Hébergé par Ausha. Visitez ausha.co/fr/politique-de-confidentialite pour plus d'informations.

والبداية من الرباط، وفي إطار تشجيع البحث العلمي بالمغرب، نظمت المدرسة المغربية لعلوم المهندس EMSI الدورة الخامسة من المؤتمر الدولي للتكنولوجيات المتقدمة من أجل الإنسانية ICATH ، تحت رعاية وزارة الانتقال الطاقي والتنمية المستدامة، ، وبشراكة مع المدرسة الوطنية العليا للمعادن بالرباط (ENSMR) والمعهد الوطني للبريد والمواصلات (INPT)، والمعهد الوطني للإحصاء والاقتصاد التطبيقي (INSEA)ويهدف هذا المؤتمر، إلى خلق منتدى للنقاش وتبادل الأفكار، بحيث سيتمكن الباحثين والخبراء والمبتكرين الذين جاؤوا من جميع أنحاء العالم من مناقشة التحديات المرتبطة باستخدام التقدم التكنولوجي في خدمة الإنسانيةهذا الحدث اللي استمر لمدة يومي 25 و26 دجنبر، طرح مناقشة العديد من المواضيع المثيرة للاهتمام، والتي تغطي موضوعات ومجالات مثل الندوة اللي تناولات موضوع " نحو تقنيات ذكاء اصطناعي أخلاقية ومسؤولة ومستدامة: دراسة حالات عملية، التحديات والفرص في العالم الحقيقي"ونتاقلوا لشركة آبل العالمية ، واللي دخلات ساعاتها الذكية "آبل واتش" حيز الحظر بعدما اتجهت إدارة الرئيس جو بايدن، لعدم استخدام حق النقض على الحكم المتعلق بانتهاكات براءات الاختراعهذا القرار جاء بعدما قررت لجنة التجارة الدولية الأميركية في أكتوبر، حظر استيراد بعض طرازات "آبل ووتش" للولايات المتحدة، بسبب براءة اختراع تكنولوجيا ترصد معدلات الأوكسيجين في الدم تعود لشركة ماسيمو للأجهزة الطبيةمن جهتها، أعلنت آبل بعد ساعات من صدور قرار مكتب الممثلة التجارية أنها ستطعن على حكم لجنة التجارة الدولية أمام محكمة الاستئناف الأميركية للدائرة الفيدراليةونختمو فقرة "تيك ويك" بشركة إينفيديا الأميركية لصناعة الرقائق الإلكترونية، واللي تبرعات حسب رويتز، بما يقارب 15 مليون دولار لمنظمات إسرائيلية غير ربحية لدعمها في حربه على غزةو في هذا الصدد، قالت إنفيديا إن آلاف الموظفين من أكثر من 30 دولة تبرعوا بما مجموعه 5 ملايين دولار، وقامت الشركة بإضافة 10 ملايين دولار في إطار برنامج خاص تم تقديمه لمساعدة المتضررين من الحرب، في أكبر حملة لجمع التبرعات الإنسانية في تاريخ الشركة البالغ 30 عاما Hébergé par Ausha. Visitez ausha.co/fr/politique-de-confidentialite pour plus d'informations.

واش فايت ليكوم تخيلتو أنكم تفيقو وتلقاو راسكوم كتهدرو بلهجة أو لغة نتوما ما عمركم ما تعلمتو ليها، إنه اضطراب اللكنة الأجنبية أو ما يعرف بمتلازمة FAS، هادشي اللي كيوقع للأشخاص في حالات نادرة فاش كيتعرضو لإصابة دماغية أولا حادث شديد القوة والتأثير على الدماغأجيو نتعرفو جميع على متلازمة اللكنة الأجنبية، شناهي أعراضها، أسبابها وطرق العلاج؟ما هي متلازمة اللكنة الأجنبية؟كتوقع متلازمة اللكنة الأجنبية فاش كيفقد الشخص لهجتو الطبيعية، وكيبدا يتكلم بنبرة ونطق مختلفين، فهاد الحالة، كيبان الشخص اللي كيهضر لغته الأصلية كشخص كيهضر لغة ثانية أو ثالثة تعلمهاتم الإبلاغ على هاد المتلازمة لأول مرة من قبل طبيب الأعصاب الفرنسي، بيير ماري سنة 1907، وعلى الرغم من أنه اضطراب نادر للغاية، إلا أنه تم تشخيص إصابة حوالي 100 شخص بهذه الحالة منذ ظهور هاد المتلازمة لأول مرةأعراض متلازمة اللكنة الأجنبية؟تؤثر أعراض متلازمة اللكنة الأجنبية على النمط الكامل للنظام الصوتي، و كتمثل فمواجهة صعوبة في نطق مجموعة من الأحرف الصوتية، مثل S-T-R، وكذلك مواجهة صعوبة في نطق الكلمات اللي كتطلب تحريك اللسان خلف الأسنان الأمامية العلوية، مثل t و dأسباب متلازمة اللكنة الأجنبية تلف منطقة بروكا في الدماغ "Broca’s area" الواقعة في الجانب الأيسر من الدماغ، وهي المنطقة المسؤولة عن إنتاج الكلام، كتبقى من أبرز العوامل اللي كتسبب متلازمة اللكنة الأجنبيةوفالغالب كتأثر منطقة بروكا بالسكتة الدماغية، عند انقطاع تدفق الدم عن الدماغ، أو إصابات في الدماغ أو الرأس، تمدد الأوعية الدموية، أو بسبب وجود أورام الدماغطرق العلاج من متلازمة اللكنة الأجنبيةماكتعتابرش متلازمة اللكنة الأجنبية مرض خطير جدا، لذلك فالغالب كيتم التركيز على علاج الأسباب ديالها كالأورام أو الخرف أو مرض التصلب اللويحي المتعدد، فالمقابل يقدر الطبيب ديالك ينصحك أنك تبع حصص لتصحيح النطق ومخارج الحروف باش هاكدا تقدر ترجع لهجتك الأصلية Hébergé par Ausha. Visitez ausha.co/fr/politique-de-confidentialite pour plus d'informations.

بداية مع الفنان الشاب نعمان بلعياشي، واللي خرج جديدو الفني سينغل تحت عنوان "حياتي"، طرحها قبل يومين عبر قناته الرسمية على منصة "يوتيوب"ونشر الفنان المغربي عبر حسابو الرسمي بأنستغرام إيكستري فيديو من عملو الجديد مصاحب لتعليق جا فيه:"حبابي كيف واعدتكوم، حياتي أول أغنية من الألبوم الأول ديالي خرجات والماجي أحلى بزاف، تسناو مفاجئات كثيرة في سنة 2024 و متنساوش تگولولي كيف جاتكم حياتي"من الجدير بالذكر أن العمل الجديد لنعمان بلعياشي حصد أكثر من 331 ألف مشاهدة بعد يومين فقط من طرحها على يوتيوب، بحيث كتعتابر الأغنية الأولى من ألبومو اللي كيحمل نفس الاسم "حياتي "أو نتاقلو لجوائز النجم المغربي لسنة 2023، واللي خلق حفل تقديمها من طرف النقابة المهنية لحماية ودعم الفنان، لمجموعة من المؤثرين فالشوشل ميديا جدل كبير، خصوصا بعدما تبارطاجات بشكل واسع صورة لشهادة تم تقديمها لتيك توكر معروفة باسم “أفلاطونة” عليها شعار وزارة الثقافةمن جهتها، تبرآت وزارة الثقافة والتواصل من هاد الشهادة الممنوحة، وأكدات أنها ما عطات حتى شي شهادة لأي شخص كان، وما نظمات أي حدث ثقافي تم تكريم خلالو ناشطة من منصة "تيك توك"ونختمو فقرة "نجوم ويك" من مدينة تطوان، واللي كتحتضن فعاليات الدورة الحادية عشر لمهرجان الفدان للمسرح أيام 25 و 26 و27 دجنبر الجاري، والمنظمة من جمعية محترف الفدان للمسرح والتنشيط الثقافيفعاليات هاد المهرجان غيعرفها المركز الثقافي بتطوان بدعم من وزارة الشباب والثقافة والتواصل، تحت شعار "يالاه بينا للمسرح"، وهو الشعار اللي ارتبط بهذا الحدث الثقافي بتطوان منذ دورته الأولى سنة 2010 من الجدير بالذكر أن مهرجان الفدان للمسرح كيشكل أحد أهم المواعيد الثقافية والفنية بمدينة تطوان لارتباطه بدينامية الحركة المسرحية المحلية وامتداداتها الوطنية والدولية Hébergé par Ausha. Visitez ausha.co/fr/politique-de-confidentialite pour plus d'informations.

لاغتيست أنتير ناسيونال جينيفر لوبيز وكما العادة كتبهرنا فكل مرة من احتفالات رأس السنة بذوق خاص ومميز في اختيارات أزيائها ،كما أننا بإمكانها نعتبروها نجمة الأجواء الاحتفالية الخاصة بالكريسماس، بسبب لوكاتها المميزة اللي كتخطف بها الأنفاسإذا كنتي سيدتي تانتي باغا تكوني مميزة ليلة الكريسماس أو باغا تآنسبيراي من أذواق ليزاغتيست العالميين، آجي معايا تكتشافي إطلالات جينيفر لوبيز الأخيرة لاحتفالات رأس السنة وأول إطلالة بانت فيها لوبيز بلوك كامل من اللون الأحمر الصارخ، مع بدلة كتكون من جاكبت بحزام من ماركة Max Mara الفاخرة، وساك جلدي محفور عليه الاسم ديالها وهو من توقيع ماركة Valentino Garavaniأما سروال الأونسومبل، فهو من مجموعة ماكس مارا 2023 جا بكوب واسعة وبليات جهة الخصر، لبساتو جينيفر مع بوت طالون حتى هو باللون الأحمر، من ماركة DSW الأمريكيةأما في الأكسيسوارات، لبسات جينيفر كوليي من الذهب الأصفر والألماس من توقيع EF، مع نظارة بإطار و عدستين من اللون الأحمرإطلالة أخرى تألقت بها النجمة العالمية فاش لبسات غوب برونزية من ماركة شانيل، واللي كيتميز بموتيف مورد و بتفاصيل هندسية من الجهة السفلية للتصميم، أو مانساوش طبعات التطريز اللي ميزوا إطلالتها الراقية، واللي جاو أسفل الخصر لإظهار أناقة فاخرة واستثنائية، وتميزت لاغوب أيضا بالفراغات الشفافة على كامل التصميم الشيئ اللي خلا اللوك ديال جينيفر يكون فريد من نوعهجينيفر لوبيز تألقت كذلك في إطلالة أخرى مؤخرا مناسبة لأجواء الكريسميس، بحيث لبسات جيب باللون الرمادي الفاتح مطبعة بفراشات باللون الذهبي، مع خصر مزين بالتطريزات الكريستالية، ونسقت جينيفر مع هاد اللوك شوميز باللون الأبيض بتصميم مريح مع أكمام طويلة، مع فتحة جهة العنق على شكل حرف V Hébergé par Ausha. Visitez ausha.co/fr/politique-de-confidentialite pour plus d'informations.

أنت طالب باكالوريا، أو سنة أولى تعليم جامعي أو باغي تإيكسيلي فالقراية ديالك بذكاء وبأقل جهد، أو عييتي من دوك النصائح ديال التنمية الذاتية، ما تخافش آجي تعرف معايا على ستة ديال التطبيقات اللي غيبدلو ليك حياتك الدراسية أو غيعاونوك أنك تنظم وقتك أو تراجع لامتحاناتك بأريحية بلا ماتسطريسي حتى الدقيقة 90تطبيق MindMupإذا كنتي كتقرا شي مادة معقدة وفيها مجموعة من المفاهيم المترابطة، أو جاتك القضية صعيبة ما عليك إلا تآنسطالي تطبيق "مايند آب"،يإمكانك تصايب خرائط ذهنية لراسك وبطريقة مبسطة، استعمال هاد التطبيق ساهل بزاف من خلال الواجهة ديالو اللي  كتسمح ليك أنك تخدم على خرائطك الذهنية فنفس الوقت مع مستخدمين آخرين ، بإمكانك تحفظ خريطتك الذهنية على Google Drive أو Dropbox أو ترجع ليها الوقت اللي بغيتيتطبيق Clockwork Tomatoكيعتامد هاد التطبيق على تقنية Podomoro لإدارة الوقت، هاد التقنية كتهدف لزيادة الإنتاجية من خلال تنظيم الوقت في فترات عمل ، عادة ما تكون 25 دقيقة ، كتفصلها فترات راحة قصيرة كتوصل ل4 دقائقهاد التطبيق غيكون خيارك الأفضل ففترة الاستعداد للامتحانات، لأنه غينظم ليك وقتك وجهدك أو غتعرف فين وصلتي أو شحال باقي ليك باش تكمل  تطبيق  Hemingway Editorمن الرائع أنه يكون صاحبك فالقراية ديما معاك باش يتشيكي معاك أوراقك البحثية قبل ما تعطيوها لبروف، لكن للأسف هاد الاحتمال ماشي ديما كيتحقق هنا كيجي دور Hemingway، الموقع الإلكتروني اللي كيعطيك تعليقات مفصلة على أسلوب كتابتك وكيوريك الأخطاء اللغوية والإملائية وحتى التعبيرية اللي خاصك تبدلهوم تطبيق  CamScannerشحال من مرة ما كنلحقوش نكتبو كاع الشرح والتمارين الي كاينين فالصبورة أو كنصدقو مفلتين شي فقرة مهمة فالدرس تقدر تطيح فالامتحان، "كام سكانر" غيهنيك من هاد المشكل بحيث بإمكانو يحول ليك أي صورة لفيشي يمكن ليك من بعد طبعو أو تراجع على خاطركتطبيق Dragon Anywhereهاد التطبيق غيعاون طلاب الجامعة  بالخصوص فأخذ النقاط المهمة، بعض المرات ماكيقدرش الطالب يساير الأستاذ فالدرس أو ياخد معاه جميع رؤوس الأقلام،  "دراغون إينيوير" غيعاونك فهاد الحالة من خلال تحويل الكلام المسموع لنصوص محينة غتوفر عليك الوقت والجهد  Hébergé par Ausha. Visitez ausha.co/fr/politique-de-confidentialite pour plus d'informations.

والبداية مع شركة البرمجيات العالمية مايكروسوفت، واللي ولات كتيح لمستخدمي نظارات ميتاكويست يستعملوا حزمة Microsoft Office، باش هاكا يقدروا يحرروا ويكتبوا النصوص فيشي Word و يصايبو مستندات الجداول في Excel، إلى جانب les presentations PowerPoint وبالتالي يمكن ليكوم من دبا تآنسطاليو تطبيقات مايكروسوفت أوفيس بالفعل على ميتا ستور لتطبيقات نظاراتها الذكية Meta Quest Store، وكلها مجانية، التطبيقات الجديدة كتخدم مع الإصدار الأول من نظارة أوكيلوس كويست، وميتا كويست 2، وميتا كويست برو، وميتا كويست 3أشير أن مايكروسوفت مؤخرا أعلنت عن إتاحتها لإصدار جديد من خدمتها السحابية للألعاب Xbox Game Pass على نظارات ميتا كويست الذكية، الشيء اللي كيخلي اللاعبين يستمتعوا بألعاب تفاعلية مقابل اشتراك شهريونتاقلوا لشركة آبل العالمية، وبعدما حظرات هاد الأخيرة تطبيقات Beeper Mini وBeeper Cloud اللي كيخليو مستخدمي هواتف أندرويد قادرين أنهم يسيفطوا ميساجات لمستخدمي آيفون على خدمة iMessage، طالب مجموعة من النواب الأمريكيين وزارة العدل والتجارة بفتح تحقيق ضد الشركة بتهمة احتكار خدمات التراسلأذكر أنه قبل ما تطلق "بييبر" خدماتها، كانت الميساجات اللي كتسيفط من أندرويد إلى آيفون، كتمشي بمقابل مالي على أساس SMS،، وكتبان لمستخدمي آيفون في صورة فقاعات خضراء، وهو الحاجة اللي اعتبروها بعض المستخدمين، خاصة المراهقين وصمة اجتماعية كتميزهوم على صحابهوم خاصة إذا كانت كونفيرساسيون كروب، الشيء اللي خلا بزااف منهوم يضطروا يهاجروا لهواتف آيفون"بيبير" ماشي هي الشركة الوحيدة اللي بغات تنهي هاد الاحتكار، غوغل هي الأخرى دعات آبل أنها تعتامد على معيار التراسل الجديد RCS، واللي كيسمح بتبادل الرسائل بين أندرويد وآيفون عبر الإنترنت، الشيء اللي خلا آبل تواعد المستخدمين بتفعيل هاد الميزة بداية هاد العام ونختموا فقرة "تيك ويك" بمنصة تيك توك، واللي أثارت ضجة بعدما زادت فيلتر بصري جديد "Expand AI" ، كيوسع أبعاد الصورة عبر إضافة تفاصيل وعناصر جديدة ليها ، مما كيجعلها تبان كأنها ملتقطة و مصممة بزاوية رؤية أوسع من حقيقتهاواعتمدت المنصة في تصميم الفلتر الجديد على الذكاء الاصطناعي، بحيث كيحلل اللقطة والتفاصيل داخل الصورة ، من بعد كيدير عملية كتسمى Outpainting، وكتضمن إضافة عناصر إلى جوانب الصورة لتوسيع أبعادها Hébergé par Ausha. Visitez ausha.co/fr/politique-de-confidentialite pour plus d'informations.

بداية مع الفنانة الشابة ريم فكري، واللي دخلات مؤخرا في مشادات كلامية مع الرابورة بنت الستاتي الملقبة فنيا بإيلي ، بعد تصريحاتها المثيرة للجدل في الحلقة الأخيرة من برنامج رشيد شو اللي كيقدمو الإعلامي رشيد العلالي هاد الأخير طرح سؤال على فكري حول الفنانة اللي ما يمكنش شي نهار يجمعهوم شي فيت أولا ديو، جاوباتو ريم بإيلي بنت الستاتي نظرا لتباعد الأنواع الموسيقية اللي كيقدمووكرد على ريم، بارطاجات إلهام العرباوي الشهيرة بـ "بنت الستاتي"ستوري على الكونت ديالها الرسمي فأنستغرام ، وجهات من خلالو انتقادات حادة لريم فكري، بحيث وصفتها" إبلي" بالنكرة كونها تكبرات أنها تعمل ديو معاها ، رغم أنها كانت كتملق ليها فبداية مشوارها الفني على حد أقوال "إيلي"من الجدير بالذكر أن "إيلي" توعدات ريم أنها إلا عاودات جبدات الاسم ديالها فشي برنامج ، غتخرج سكرينات ديال كونفيرساسيون ديالها مين كانت كطلبها تعطي رأيها فلكوفر اللي كانت كدير فالبدايات ديالها ونتاقلوا لأمين تمري المشهور بأمينوكس، واللي خرج فيديو كليب أغنيتو الجديدة، عبر قناته الرسمية يويتوب، تحت عنوان "ALAISE"، من كلمات أسامة بريطل وتوزيع عبدالصمد العثماني ومن ألحان وإنتاج أمينوكس، أما الفيديو كليب فتم تصويرو بأحد الاستوديوهات بمدينة الدار البيضاء تحت إشراف المخرج يوسف أسواريونشر أمينوكس مقطع من الأغنية مع جمهوره ومتتبعيه عبر حسابه الشخصي بإنستجرام، أرفقه بتعليق قال فيه" NOW .. ENJOY"أشير أن أمينوكس كيشارك في النسخة الثانية من برنامج اكتشاف المواهب الغنائية "ستارلايت" وهي النسخة اللي كيشارك في لجنة تحكيمها إلى جانب كل من أسماء المنور، نعمان لحلو، الدوزي و حاتم عمورونختمو فقرة "نجوم ويك" بالفنانة المغربية المقيمة بالديار الهولندية"Inez "، واللي خرجات جديدها الفني أغنية "أنا ليك" عبر قناتها الرسمية على موقع يوتيوب، وهي من كلمات إينيز بمشاركة مبارك النوالي، والموسيقى ياسين العلوي مدغريللإشارة، حقات إينيز شهرة كبيرة بفضل ميدلي "منك ولا مني"، اللي وصل لأكثر من 33 مليون استماع و55 مليون مشاهدة على يوتيوب، وسجلت أغنيتها الثانية "My Love" نجاح واسع بأكثر من 70 مليون استماع على سبوتيفاي Hébergé par Ausha. Visitez ausha.co/fr/politique-de-confidentialite pour plus d'informations.